இசிஜி அரிச்சுவடி -ஊ -

        இசிஜி புற,இயல்பு மற்றும் நோய்க்குறி இயல்

;இசிஜியை அடையாளமிட்ட பிறகு அதன் அலைகளின் அமைப்பு,தோற்றம் அவற்றின் இயல்பு இவற்றை கொண்டு அவை உணர்த்தும் நோய்களை நாம் தெரிந்து கொள்வது அவசியம் 

நாம் இசிஜியை ஆய்வு செய்யும் முன் அந்த இசிஜியின் அதன் செல்லுபடியை (VALIDITY) அல்லது நம்பகத் தன்மையை உறுதிப்படுத்த வேண்டும் .அதாவது அந்த இசிஜி எடுக்கப்பட்டவிதம்,இசிஜி கருவியின் நம்பகத்தன்மை,மின் முனைகள் சரியாக பொறுத்தப்பட்டனவா போன்றவற்றை உறுதி செய்யவேண்டும். இது மிகவும் எளிமையானது.       

படம்-1

படம்-1 இல் சாதாரண ஒரு நார்மல் சைனஸ் ரிதம் இரண்டு மின் முனைகளில் பதிவானதை குறிப்பிடுகிறது.அவை முறையே மின் முனை -II ,மற்றும் aVR ஆகும் .மின் முனை-II இதயத்தின் கீழ் அறைகளை கீழிருந்து நோக்குவதாலும் இதயத்தின் நார்மல் கோணத்தில்(NORMAL AXIS-30To +90) மின் ஓட்டத்தின் நார்மல் அச்சுவின் கோணத்தில் இருப்பதாலும் இதில் இசிஜியின் பதிவுகள் மேலெழுந்த நிலையில் பாசிட்டிவ் ஆக இருக்கிறது. aVR மின் முனை வலது புறமிருந்து இதயத்தை நோக்குவதால் அதன் பதிவு எதிரிடையாக கண்ணாடியில் விழும் பிம்பத்தைப்போல் இருக்கிறது (பார்க்க படம்-1).இதேபோல் நார்மல் சைனஸ் ரிதம் aVF ,V5,V6 போன்றவற்றிலும் பாசிட்டிவ் ஆகவே இருக்கும்.காரணம் aVF இதயத்தை நார்மல் கோணத்தில் மேலிருந்தும் ,V5,V6 ஆகியவை இதயத்தின் இடதுபுறமிருந்தும் நோக்குகின்றன.
இப்படி இல்லாமல் aVR இல் ரிதம் பாசிட்டிவ் ஆக பதிவாகி மற்ற மின் முனைகளில் ரிதம் நெகட்டிவ் ஆக கீழ் நோக்கியும் பதிவாகி இருந்தால் அதற்கு இரண்டு காரணங்களை குறிப்பிடலாம்.
1.மின் முனைகள் மாற்றி பொருத்தப்பட்டு இருக்கலாம் 

2.Dextrocardia (இதயத்தின் கோணம் வலது பக்கம்)புரண்டு இருக்கலாம்.Dextrocardia என்ற நிலை இதயத்தின் வலது புறம் ஏதோ பிரச்சினை என்பதை குறிக்கும் 
அப்படி இல்லை என்றால் முதல் காரணமாகத்தான் இருக்கும்.முதல் காரணம் என்றால் அந்த இசிஜி செல்லுபடி ஆகாது(INVALID ).திரும்பவும் எடுக்கவேண்டும்.
P-அலையின் தோற்றம் ,இயல்பு ,நோய்க்குறி :-

படம்-2

படம்-2 இல் காட்டியபடி P -அலை நான்கு விதமாகவோ அல்லது அதற்கு மேற்பட்ட அமைப்புகளில் இருக்கலாம்.
முதலில் P-அலையை பற்றி தெரிந்து கொள்வோம்.இதயத்தின் மேல் அறைகள் (ATRIA) சுருங்குவதால் இசிஜியில் ஏற்படும் பாசிட்டிவ் அதிர்வுதான் P -அலை என்பது நாம் முன்பே அறிந்ததுதான்.எனவே இதன் தோற்றத்தில் ஏற்படும் மாறுதல்கள் இதயத்தின் மேலறைகளில் ஏற்படும் நோய்களை குறிக்கும் என்பது தெளிவாகும்.மேலே படம்-1 இல் முதலாவது உள்ள P -அலை நார்மல் ஆகும்.அடிகோட்டிலிருந்து உயரே 2.5மிமீ உயரமும் அதே அளவு அகலமும் கொண்ட ஒரு அரை வட்டமாகும்.இது மின் முனை -II -இல் பதியப்பட்டதாகும்.
2-ஆவது P-அலை மேலே கூம்பு வடிவ முனையை கொண்டிருக்கிறது.இந்த அமைப்பில் இருந்தால் அதன் அர்த்தம் இதயத்தின் வலது மேல் அறையில் வீக்கம் ஏற்பட்டுள்ளது எனவே அது சரியாக சுருங்க முடியவில்லை என்று அர்த்தம்.எனவே இதயத்தின் இடது பக்கமும் மின் அலைகள் பரவ முடியாமல் இடது அறையும் சரியாக சுருங்காமல் இப்படி கூம்பு வடிவ P-அலையை உண்டாக்கி இருக்கின்றன.
3-வது P-அலை M-வடிவத்திலோ அல்லது ஒட்டகத்தின் முதுகு வடிவிலோ இருக்கிறது இதற்கு அர்த்தம் இதயத்தின் இடது மேல் அறை வீங்கி இருக்கிறது என்று பொருள்.இப்படி அறைகள் வீ ங்குவதற்கு பொதுவாக அதன் கீழ்நோக்கி திறக்கும் வால்வுகள் (ஈரிதழ் மற்றும் மூவிதழ்) சரியாக வேலை செய்யாமல் இருப்பதே காரணம்  ஆகும் 
3-ஆவது P-அலை மறைந்து இருக்கிறது உற்று நோக்கினால் சிறு சிறு துடிப்புகளாக இருக்கலாம்.இதை F-அலை என்றும் கூறலாம் 
இந்த நிலை மேலறை குறுந்துடிப்பு  (ATRIAL FIBRILLATION)என்ற மிக ஆபத்தான நிலை ஆகும்.
4-ஆவது உள்ள படத்தில் QRS-க்கு முன்பு பல P-அலைகள் இருக்கும்.இந்நிலைக்கு மேலறை படபடப்பு என்பர்(ATRIAL FLUTTER).இதில் மேலறையின் துடிப்புகள் வேகமாக இருக்கும்  இருக்கும்.கீழறைகளின் துடிப்பு அதற்கேற்றமாதிரி இருக்காது.  
QRS-கூட்டமைப்பு -தோற்றம் இயல்பு நோய் குறி  :-
நாம் ஏற்கனவே முந்தைய பதிவுகளில் அறிந்த மாதிரி QRS-கூட்டமைப்பு இதயத்தின் கீழ் அறைகள் சுருங்குவதால் உண்டாவது ஆகும்.எனவே QRS-இல் ஏற்படும் மாற்றங்கள் குளறுபடிகள் அனைத்தும் இதயத்தின் கீழ் அறைகளில் ஏற்படும் நோய் குறிகள் ஆகும்.

படம் -3

 மேலே படம்-3 இல் உள்ள இசிஜி முறையே மின்முனைகள் V1,V6 ஆகியவற்றின் பதிவுகள் ஆகும்.மின்முனை--V1 நடு மார்பு எலும்பின் 4 ஆவது 5ஆவது விலா எலும்புகளுக்கிடையில் வலது புறமிருந்து இதயத்தின் கீழறைகளின் நடுப்பகுதியை நோக்கிக்கொண்டு இருக்கும் இதயத்தின் மின் ஓட்டம் நார்மலாக வலமிருந்து இடமாக இந்த மின்முனைக்கு எதிர்திசையில் இருப்பதால் இந்த மின்முனை நெகட்டிவ் அலைகளை பதிவுசெய்யும்.ஆனால் அசாதாரண நிலையில் மின்னோட்டம் இடமிருந்து வலமாக இருந்தால் இது பாசிட்டிவ் ஆக அலைகளை பதிவு செய்யும் 
இதே போல் V-6 மின்முனை இடது கோடியில் அக்குள் பகுதியிலிருந்து இதயத்தின் கீழறைகளை நோக்குவதால் V1 ன் பதிவுகளுக்கு எதிராகவே அலைகளை பதிவு இருக்கும் . இதைத்தான் மேலேயுள்ள படம்-3 இல் காண்கிறீர்கள்.
முதலாவது பதிவு நார்மல் QRS ஆகும்.
இது V1-ல் நெகட்டிவ் ஆகவும் V-6-ல் பாசிட்டிவ் ஆகவும் இருக்கிறது 
2-ல் வலது பக்க HIS கொத்து கிளையில் மின்கடத்தல்  அடைப்பை காட்டுகிறது .இதற்கு மருத்துவ மொழியில் (RIGHT BUNDLE BRANCH BLOCK-RBBB).இந்நோயில் வலது பக்க கீழறை  நேரடியாக மின் கடத்தல் கிடைக்காமல் மெதுவாகவே இயங்கும்.
3ஆவதில் இடது கீழறை தாமதமாக இயங்குவது பதிவு ஆகி இருக்கிறது.இந்நோய் நிலைக்கு இடது His கொத்து கிளை அடைப்பு என்பர்.மருத்துவ மொழியில் (LEFT BUNDLE BRANCH BLOCK -LBBB)என்பர்.
இந்த இரண்டு நிலைகளும் ஆபத்தானவை ஆகும்.சரியாக கவனிக்கவில்லை என்றால் உயிருக்கு ஆபத்து ஏற்படும்.(பார்க்க படம் -3)
மாரடைப்பில் -QRS-ன் தோற்றம்:-

படம்-4-A 

                                      

படம்-4-B

 மேலே உள்ள இரண்டு படங்களில் படம் -4A நார்மல் இதய துடிப்பை பதிந்து இருக்கிறது 
ஆனால் படம்-4-B மாரடைப்பின் போது இதயத்தின் துடிப்பை காட்டுகிறது 
படம்-4-B யில் Q-அலை மிகவும் தாழ்ந்து இருப்பதையும் ST பகுதி உயர்ந்திருப்பதையும் அறியவும்.T -அலை அடிகோட்டிலிருந்து (ISOELECTRIC LINE) விலகி மேலே எழுந்திருக்கிறது.R-அலை குறைந்த உயரத்துடன் இருப்பதாய் காணவும்.
அதாவது நார்மலாகஇரண்டு கீழ் அறைகளையும் பிரிக்கும் சுவரில் (INTERVENTRICULAR SEPTUM) முதலில் மின்னோட்டம் சிறிது பலகீனமாக இடமிருந்து வலமாக பாயும் அப்பொழுது மின் முனை-II ல்  Q-அலை சிறிது தாழ்ந்து பதிவாகும் . பிறகு  உடனே மின்னோட்டம் எதிர்திசையில் அதாவது வலமிருந்து இடமாக உயர் mV யில் பாயும்.இதுவே R-அலை ஆகும்.(படம்-4-A)
ஆனால் மாரடைப்பின் போது மின்னோட்டம் இடமிருந்து வலமாக மிகு mV யில் பாயும்.மீண்டும் இடது நோக்கி பகீனமாகவே ஓடும்.விளைவு Q -அலை நீண்டு பெரிதாக தணிக்கிறது.R-அலை குறைந்த அளவே உயர்கிறது இதனால் S-அலையும் சரியாக தணியாது இடது கீழறை சரியாக சுருங்கி விரியாது எனவேதான் உயர்ந்த நிலையில் T-அலை இருக்கிறது.இசிஜியில் இந்த நிலை நீடித்தால் அது மாரடைப்பின் அறிகுறி என்று அர்த்தம்.(படம் -4-B) 
கீழறைகளின் மிகு துடிப்பில் QRS-ன் தோற்றம்  :-
இதை மருத்துவ மொழியில் Ventricular Tachycardia (VT )என்பர்.இதுவும் மிகவும் ஆபத்தான நிலையே.இதில் இசிஜி எப்படி இருக்கும் என்பதை கீழே படம் 5-ல் பாருங்கள்.

படம்-5
VENTRICULAR TACHYCARDIA

மேலே படம்-5 இல்  9 மின்முனைகளின் பதிவுகள் காட்டப்பட்டுள்ளன.உங்கள் இசிஜியில் 12 மின் முனை பதிவுகள் இருக்கும் அவற்றில் மிக முக்கியமானவை மின் முனை-II,V1-V6 பதிவுகள் ஆகும் இட நெருக்கடி கருதி V4 to V-6 ஐ பதிய முடியவில்லை.இருப்பினும் V3 யினுடைய பதிவு அவற்றை ஒத்திருக்கலாம்.பொதுவாக இந்த நோய் நிலையில் QRS ஒழுங்கற்ற நிலையில் மிகவும் அகண்டு(
P-அலைகளுக்கும் QRS கும் தொடர்பு இருக்காது.
TORSE DE POINTS :-
மேலே கண்ட VT யின் முற்றிய நிலை TORSE DE POINTS ஆகும்.

படம்-6

VT ஐ சரியாக கவனிக்கவில்லை என்றால் இசிஜி மேலே உள்ள படத்தில் இருப்பது மாதிரி ஒரு ஒழுங்கற்ற நிலைக்கு போகும் கீழறைகள் சுருங்கி விரிவது தாமதமாகும்.இதை மேலே உள்ள படத்தில் Q-T இடைவெளி நீண்டு இருப்பதின் மூலம் நாம் புரியலாம்.இந்த இடைவெளி காலதாமதம் 500 மில்லி செகண்டுக்கும் அதிகமாக போகும்.அதாவது  
1வினாடி                        =25 மிமீ 
1000மில்லி வினாடிகள் =1விநாடி                                                              =25மிமீ 
500 மில்லி வினாடிகள் =12.5மிமீ 
                                               =12.5ss 
நார்மல் அளவு (9 to 11 ss )
TERMINOLOGY :ss =small squire =1mm 
                              LS =Large Squire =5mm 
மேலும் இந்த நோய் நிலையில் QRS தாறுமாறாக மேலும் கீழும் அலைபாய்ந்துகொண்டு இருக்கும் (படம்-6)
இதை கவனிக்கவில்லை என்றால் இது முற்றி கீழ்கண்ட V-Fib என்ற ஆபத்தான கீழறை குறுந்துடிப்பு (FIBRILLATION) நிலைக்கு போகும்.அதை தொடர்ந்து மரணம் நிச்சயம்.
இதய கீழறை குறுத்துடிப்புகள் -V.Fib :-

படம்-7-A

படம் -7-B

மேலே உள்ள படத்தை உற்று கவனியுங்கள்.நாம் மேலே இதற்கு முன் விளக்கிய கீழறை மிகு துடிப்பு (VT) மற்றும்  TORSE DE POINTS ஆகியவற்றிலிருந்து வேறுபட்ட ஒரு ஆபத்தான ஒரு நோய் நிலையை நீங்கள் உணரலாம்.
VT யிலும் TORSE DE POINTS யிலும் இசிஜியில் ஓரளவு ஒழுங்கு நிலை random ஆக மாறி மாறி இருக்கும் 
ஆனால் V-Fib -இல் முற்றிலும் ஒழுங்கற்ற நிலையே இருக்கும் (படம்-7).இந்நோய் நிலை வந்த பிறகு இதயம் நின்று விடும் மரணம் சம்பவிக்கும் எனவே இது ஒரு அவசர நிலை ஆகும் .                      தொடரும் ....

• 
  

சுய மருத்துவ பரிசோதனை-இ.சி.ஜி சுய பரிசோதனைகள்-உ

இசிஜி அலைகளை அடையாளம் காண்பது எப்படி?

இசிஜி கல்வியில் இது ஒரு மிக முக்கியமான ஒரு அம்சமாகும் 

இசிஜியின் நார்மல் சைனஸ் துடிப்பில் உள்ள அலைகளை P,Q,R,S, மற்றும் T-ஐ நம்மால் சுலபமாக அடையாளமிட முடியும்.காரணம் அவை தெளிவாக அதில் பதிந்து இருக்கும். 

ஆனால் ஒரு நோயாளியின் இசிஜி நார்மலாக இருக்காது.பெரும்பாலும் அதில் நார்மல் சைனஸ் துடிப்பு இருக்காது.அதில் அலைகள் குளறுபடியாக இருக்கும்.சில அலைகள் மறைந்தும் இருக்கும் 

எனவே தவறாக நாம் அலைகளை அடையாளமிட்டால் நோய்களையும் தவறாக கணித்து தவறான சிகிச்சைக்கு வழிவகுத்துவிடும். 

எனவே இசிஜி அலைகளை அடையாளமிட்டு அறிந்து கொள்ளவேண்டும்.இதற்கு மருத்துவ மொழியில் NOMENCLATURE of ECG என்பர் .
P -அலையை அடையாளம் காணல் 

படம்-1

மேலே உள்ள படத்தில் நான்கு விதமான P-அலைகள் கட்டப்பட்டு உள்ளன
மேலே உள்ள படம் -1 -ல் முதலாவது உள்ள P -அலை தான் சாதாரண நார்மல் சைனஸ் துடிப்பில் உள்ள P -அலை ஆகும்.மற்றவை அனைத்தும் நோய் உள்ள நிலையில் வரும் P-அலைகளாகும்.எனவே இப்படி உருமாறி குளறுபடியில் தோன்றும் P-அலைகளை எப்படி அடையாளம் காண்பது ?
முதலில் நாம் ஒரு கோட்பாட்டை தெரிந்த்துக்கொள்வோம்.இதற்கு ECG NOMENCLATURE என்று பெயரிடலாம்.அதற்கு முன் மூன்று விஷயங்களை நாம் கவனத்தில் கொள்ளவேண்டும்.அவை 1.அலை விலகலின் இயல்பு -நேர் அல்லது எதிர் (NATURE OF THE WAVE DEFLECTION-Positive or negative)
2.அலையின் அளவு (SIZE)
3.அலை நிலைப்பாடு (POSITION)
இந்த கோட்பாட்டின்படி ஒரு இசிஜி யில் முதலில் தோன்றும் அலை P-அலை ஆகும்.அதை தொடர்ந்து வருவது QRS-கூட்டமைப்பாகும்.அதை தொடர்ந்து இறுதியாக வருவது T -அலை ஆகும்.
ஒரு நோய் உள்ளவரின் P-அலைகள் (படம்-1-1)-ல் காட்டியபடி ஒரு கூம்பு போன்ற அமைப்புடன் வரலாம்.
அடுத்து படம்-1-2-ல் காட்டியபடி M -வடிவத்தில் வரலாம் .
படம்-1-3-ல் காட்டியபடி P-அலை மறைந்து இருக்கலாம்.இதை உற்று நோக்கினால் இது நேர்கோடாக இல்லாமல் சிறு சிறு குறு (Fibrillatory) அலைகளாக இருக்கலாம் .இதற்கு F-அலைகள் என்று பெயர். 

QRS-கூட்டமைப்பைஅடையாளமிடுவது 

இசிஜியில் மிக முக்கியமான அங்கம் இந்த கூட்டமைப்பாகும்.

இந்த கூட்டமைப்பில் மூன்று தனித்தனி அலைகள் இருக்கின்றன.அவை Q,R மற்றும் S ஆகியவை.இவை ஒவ்வொன்றிற்கும் தனித்தனி இயல்பு உண்டு.அவற்றை தெரிந்து கொண்டால்தான் அவற்றை நாம் சுலபமாக அடையாளம் காண முடியும் .

இந்த Q- அலை,QRS- கூட்டமைப்புக்குள் R-அலைக்கு முன்பாக கீழ்நோக்கி வளையும் எதிர்மறை விலகல்(Negative Deflection) ஆகும்.இந்த அலை ஒருபொழுதும் நேரலை விலகலுக்கு(Positive Deflection) 

எழும்பாது.நிலைப்பாட்டின்படி இது எப்போதும் QRS-ல் R-அலைக்கு முன்பாகவே வரும் அல்லது மறைந்தும் போகும் 

அளவின்படி இது சிறிதாகவும்(q-அலை)இருக்கலாம் அல்லது பெரிதாகவும்(Q-அலை)இருக்கலாம்.ஒன்றுக்கு மேற்பட்டும் இருக்கலாம்(q,q',q'',Q,Q',Q'').

படம்-2-A

படம்-2-A ஐ நோக்கவும் .இது ஒரு நார்மல் சைனஸ் துடிப்பு ஆகும் இதில் Q-அலையை நாம் சுலபமாக அடையாளமிடலாம்.அதாவது R-அலைக்குமுன் QRS-கூட்டமைப்பிற்குள் இறங்கி ஏறக்கூடிய(NEGATIVE DEFLECTION) அலை. 

அடுத்து R-அலை.இதன் விலகல் எப்போதும் மேல் நோக்கியே அதாவது நேர் அலை விலகல் (POSITIVE DEFLECTION) ஆகத்தான் இருக்கும் 

இதன் நிலைப்பாடு இது எப்பொழுதும் Q-அலை இருந்தால் அதை தொடர்ந்தோ,Q-அலை இல்லை என்றால் S-அலைக்கு முன்பாகவோ தோன்றும்.

இதிலும் பெரிதும் உண்டு சிறிதும் உண்டு(R,r);ஒன்றும் உண்டு.ஒன்றுக்கு மேல்பட்டும் உண்டு (R,R'R'',r,r',r'')

படம் -2-B

மேலே உள்ள படத்தை கவனமாக ஆய்வு செய்யவும்.உற்று பாருங்கள்.இரண்டு r-அலைகள் (மேல்நோக்கிய பாசிட்டிவ் சிறிய அலைகள் )இருக்கின்றன ஆனால் அவற்றிற்கு முன் எந்த எதிர் அலை விலகல்களும் (நெகட்டிவ் அலைகள் ) இல்லை.எனவே இதில் Q-அலைகள் இல்லை.

மேலும் S-அலையை நோக்குங்கள் 

R-அலையை தொடர்ந்து ஒரு கீழிறங்கும் நெகட்டிவ் விலகல் S-அலையின் சரியான நிலைப்பாடு.

அதன் அளவு பெரிதாக இருப்பதால் S.

படம்-2-C 

மேலே உள்ள படத்திலும் Q-அலை இல்லை 

நிலைப்பாடு,அளவு மற்றும் விலகல் இந்த மூன்றின் அடிப்படையிலும் மேலேயுள்ள இசிஜியில் இரண்டு R-அலைகளும் இரண்டு S-அலைகளும் இருக்கின்றன.

அடுத்தது T-அலை.இதுதான் நிலைப்பாட்டின்படி இசிஜியின் இறுதி அலையாகும்.இது இதயத்தின் கீழ் அறைகள் விரிவதால் உண்டாவது.இதன் பிறகு அடுத்த துடிப்பு வரை மின் கடத்தல் எதுவும் இருக்காது.எனவே T-P இடைவெளிதான் சரியான ISOELECTRIC LINE ஆகும் 

மேலே உள்ள படத்தின் படி T-அலை தான் இறுதி அலை ஆகும் இது S-அலைக்கு பின் சிறிது இடைவெளிவிட்டு வரும் 

                                 தொடர்கிறது .....

சுய மருத்துவ பரிசோதனை-இ.சி.ஜி சுய பரிசோதனைகள்-ஈ

12-மின் கடத்திகளுடைய இசிஜி கருவிகள்  

இன்று சந்தையில் பலவிதங்களில் 12,6,3,அல்லது 1மின்முனைகள்  கொண்ட விதம் விதமான கையடக்க இசிஜி கருவிகள் கிடைக்கின்றன 

இந்த கையடக்க கருவிகளை கொண்டு நாமே வீட்டில் இருந்தபடியே சுயமாக இசிஜி எடுத்து பரிசோதித்து கொள்ளலாம் 

முதலில் நாம்  சில அடிப்படைகளை தெரிந்து கொள்ளவேண்டும் 

இசிஜியில் உள்ள மின்முனைகளின் வகைகள் அவற்றின் தன்மை பயன் ஆகிய அடிப்படைகளை நாம் தெரிந்து கொள்ள வேண்டும் 

பிறகு அந்த மின்முனைகளை  எப்படி உடலில் பொருத்துவது என்ற அடிப்படையையும் சேர்த்து ஒவ்வொன்றாக பார்க்கலாம் 

கீழே உள்ள கார்டூனில் மின்முனைகள் எவ்வாறு பொருத்தப்பட்டிருக்கிறது என்று கவனிக்கவும்.

படம்-1

படம்-1 ஐ நோக்கவும் அதில் aVL,aVR மற்றும் aVF என 3 ஒருமுனை மின்கடத்திகள் முறையே இடது மற்றும் வலது மணிக்கட்டுகளில் உள்ளங்கைகளுக்கு  நேர் கீழேயும் இடது பாதத்தின் மணிக்கட்டின் மேலும் பொருத்தப்பட்டுள்ளன  

வலது கால் பாத மணிக்கட்டில் பொருத்தப்பட்டுள்ள ஒருமுனை மின்கடத்தி வெறும் எர்த் தொடர்பு ஆகும் எனவே அதை கணக்கில் எடுக்க வேண்டாம்.

இப்பொது aVF,aVL மற்றும் aVR இவை மூன்றும் ஒன்றோடு ஒன்று ஒரு முக்கோணமாக (பார்க்க படம்-1) பச்சை கோடுகள் ஆக மின் ஓட்டத்தால் இணைக்கப்பட்டு இருப்பதை கவனிக்கவும்.இதற்கு Einthoven's முக்கோணம் என்று பெயர்.

இந்த முக்கோணத்தின் ஒவ்வொரு பக்கத்தின் நடுவிலும் இரு முனை (bipolar)மின்கடத்திகள் மறைந்துள்ளன.

அவை முறையே ,

I -இது aVR  மற்றும் aVL மின்கடத்திகளின் தகவல்களை பெற்று இதயத்தை நோக்கும் .அதனால்தான் இதற்கு (bipolar) இருமுனை மின்கடத்தி  என்று பெயர் 

அதே போல் மற்ற இரு (bipolar) இருமுனை மின்கடத்திகளான II மற்றும் III,முறையே  aVR - aVF;aVL -aVF  இலிருந்து பகுதி பகுதியாக தகவல்களை பெற்று இதயத்தை நோக்கி செலுத்தும்.

ஒருமுனை மின்கடத்திகளும் தங்களுக்குள் முக்கோணமாக இணைந்தாலும் அவையும் தனியாக மின் அலைகளை இதயத்தை நோக்கி செலுத்துகின்றன.இந்த ஆறு மின்கடத்திகளும் வெவ்வேறு கோணங்களிலிருந்து இதயத்தை நோக்குவதால் இவற்றிற்கு மூட்டு மின் முனைகள் (LIMB ELECTRODES) என்று பெயர்.

இவை போக மேலும் ஆறு மார்பு மின்முனைகள் கீழ்கண்டவாறு பொருத்தப்பட்டு உள்ளன.

படம்-2

V-1:-இது மேலிருந்து கீழே 4-5 விலாஎலும்புகளுக்கிடையில் நடு மார்பு எலும்பின் வலது புறமாக ஒட்ட பட்டு இருக்கும் 

V-2:-இது V-1 நேர் பக்கவாட்டில் நடு மார்பு எலும்புக்கு இடது புறமாக பொருத்தப்பட்டு இருக்கும் 

V-3:-இதை V-2 க்கு நேர்கீழே இதயத்தின் வலது மேலறையின் வலது ஓரத்தில் பொருத்த  வேண்டும்.
V-4:இது V3-யின் பக்கவாட்டில் (படம்-2) பொருத்த வேண்டும்.பொருத்தும் போது V-3 யிலிருந்து V-2வும் V-4-ம் சம இடைவெளியில் அமையவேண்டும்.(பார்க்க படம்-2)
V-5:-இதை V-4 கு நேர் இடது பக்கவாட்டில் அக்குளின் கீழ் இடது ஓரத்தில் (இடது முன் அச்சு வரி அல்லது Anterior Left Axillary Line)யில் பொருத்த வேண்டும் -பார்க்க படம் -2
V-6:-இதை V-5-ன் நேர்க்கவாட்டில் நடு அச்சு வரியில்)பொருத்தவேண்டும் -பார்க்க படம் -2.
மேல் கண்டவாறு மின்முனைகளை பொருத்திய பின் அவை எவ்வாறு இதயத்தை பல கோணங்களில் இருந்தும் நோக்குகின்றன என்பதை கீழ் கண்ட படம்-3 விளக்கும்.

படம்-3

மேலிருந்து (Anterior View )aVR,I மற்றும் aVL ஆகிய மின் முனைகளும் 
பக்கவாட்டிலிருந்து II,III, இவையும்,கீழிருந்து aVF -ம் இதயத்தை நோக்குகின்றன 
மார்பு மின் முனைகள் ஆறும் இதயத்தை தொட்டு சுற்றிலும் நோக்குகின்றன.
சில கலைச்சொற்கள் :-

Terminology:-
Electrodes-----Electrical conductor or receiver
Lead         ---- The electrical potential difference                              between two electrodes
aVR------Augmented Voltage Right

aVL ------Augmented Voltage Left
aVF ------Augmented Voltage Foot

 

சுய மருத்துவ பரிசோதனை-இ.சி.ஜி சுய பரிசோதனைகள் -இ

இசிஜியில் இதயத்தின் அச்சு 

அடிப்படையில் நம் இதயம் அதன் செயல்பாடுகள் அதன் தசைகளினூடே கடத்தப்படும் மின் அதிர்வுகள் அனைத்தும் இடது கீழ்புறத்தை நோக்கியே இருக்கிறது.இதையே இதயத்தின் கோணம் அல்லது அச்சு என்பர் 

சாதாரணமாக இதயத்தின் அச்சு  -30 டிகிரியில் இருந்து +90 டிகிரி வரை கால் வட்ட அளவு இடது கீழ் பக்கம் சரிந்து இருக்கிறது.

இதயத்தின் 90% தசை இதயத்தின் கீழறைகளினால் ஆனது.இதயத்தின் கீழறைகளின் துடிப்பு இசிஜியில் QRS-கூட்டமைப்பாக பதிவாகிறது என்பதையும் நாம் விளக்கினோம் 

எனவே மொத்தத்தில் QRS-ன் அச்சு -30 டிகிரி இலிருந்து +90 டிகிரி கோணத்தில் இருந்தாலே ஏறக்குறைய மொத்த  இதயமும் நார்மலாக இருக்கிறது என்று விளங்கிக்கொள்ளலாம் 

இதயத்தின் அச்சு பற்றி கீழ்கண்ட படத்தின் மூலம் விளக்கலாம் (பார்க்க படம்-1)

படம்-1

மேல் கண்ட படத்தில் மஞ்சள் நிற ப்பகுதிதான் இதயத்தின் நார்மல் QRS-அச்சு ஆகும் 

இந்த அச்சு -30 டு -90 என்று மேல்புறம் புரண்டு இருந்தால் அதற்கு இடது அணுகல் விலகல் (LEFT ACCESS DEVIATION-LAD) என்று மருத்துவம் கூறும்.அதற்கு அர்த்தம் இடது கீழறையில் வீக்கம் அல்லது அடைப்பு மற்றும் அதைப்போன்ற பிரச்சினைகள் ஏதோ உள்ளதென்று புரிந்து கொள்ளலாம் கொள்ளலாம்.
அதே போல் இந்த அச்சு +90 டிகிரி யிலிருந்து +180 டிகிரியை நோக்கி சரிந்தால் அது வலது கோண அணுகல் விலகல் (RIGHT ACCESS DEVIATION-RAD) எனப்படும்(படம்-1).இந்த நிலையில் இதயத்தின் வலது கீழறைகளில் வீக்கம் ,அடைப்பு போன்ற ஏதோ பிரச்சினைகள் இருக்கிறது என்று கொள்ளலாம்.
மேலும் இதயத்தின் அச்சு +180 யிலிருந்த்து -90 வரை சரிந்தால் அது மிகவும் கடுமையான (EXTREME) பாதிப்பை உணர்த்தும் (பார்க்க படம்-1)
மேலே படம்-1-இல் மின் கடத்தி II பாதுகாப்பான கோணத்தில் அமைந்திருப்பதை காணலாம் 
எனவேதான் இசிஜியில் இந்த மின் கடத்தி மூலம் பதியப்பட்ட பதிவுகள் தனியாக கீழ் வரிசையில் எடுத்துக்காட்டப்பட்டிருக்கும்.
இதில் எல்லாம் நார்மலாக இருக்கும் பட்சத்தில் எல்லாம் ஓரளவு சரி என்றே கொள்ளலாம்.மற்ற மின் கடத்திகளின் பதிவுகள் பற்றி விபரமாக நாம் பிறகு பார்க்கலாம்.
எனவே மொத்தத்தில் படம் -1இல் உள்ளபடி நார்மல் அச்சில் இருக்கும் மின் கடத்திகள் I,II,மற்றும் aVF ஆகிய பதிவுகளில் QRS-கூட்டமைப்பு நார்மலாக பாசிட்டிவ் ஆக மேலெழுந்து இருந்தால் நம் இதயம் ஆரோக்கியமாக இருக்கிறது என்று அர்த்தம் 
கோளாறுகள் :-
படம்-1-இல் கண்டபடி aVL மின்கடத்தி -30 to -90 பகுதியில் இருக்கிறது.எனவே இசிஜியில் aVL -பதிவுகளில் QRS பாசிட்டிவ் ஆகவும் aVF -ல் நெகட்டிவ் (கீழிறங்கி)ஆகவும் இருந்தால் நம் இதயத்தின் இடது கீழ் அறைகளில் அடைப்போ அல்லது வீக்கமோ இருக்கிறது என்று பொருள்-(LAD)
படம் -1 இல் கண்டபடி மின்கடத்திகள் 
III,aVR ஆகியவை வலது சரிவிலும் கடுமை (EXTREME) சரிவிலும் இருப்பதால் இந்த மின் கடத்திகளின் பதிவில் QRS பாசிட்டிவ் ஆகவும் மற்ற மின்கடத்திகளின் பதிவில் கீழ் நோக்கி நெகட்டிவ் ஆகவும் இருந்தால் நம் இதயம் கடுமையாக பாதிக்கப்பட்டிருக்கிறது என்று அர்த்தம் 

இசிஜியின் அமைப்பு 

படம்-2

மேலே உள்ள படம்-2 இல் காட்டப்பட்டிருப்பது போல்தான் உங்கள் இசிஜி பாகம் பாகமாக வரிசைப்படுத்தப்பட்டிருக்கும் 
12 பாகங்களாக ஒவ்வொரு மின் கடத்திக்கும் தனித்தனியாக பாகங்கள் பிரித்து வரிசைப்படுத்தப்பட்டிருக்கிறது 
கீழே தனியாக மின்கடத்தி II க்கு ஒரு வரிசையும் ,மின்கடத்தி V-1 க்கு ஒரு வரிசையும் எடுத்து தரப்பட்டிருக்கும் 

மின்கடத்திகளின் விபரங்கள் :-

1.) I-இருமுனை(BIPOLAR ) மின்கடத்தியின் பதிவு 

2).IIs -இருமுனை (BIPOLAR) மின்கடத்தியின் பதிவு 

3) III-இருமுனை(BIPOLAR) மின்கடத்தியின் பதிவு 

4) aVR -ஒருமுனை(UNIPOLAR ) மின்கடத்தியின் பதிவு 

5).aVL -ஒருமுனை (UNIPOLAR )மின் கடத்தியின் பதிவு 

6).aVF -ஒருமுனை (UNIPOLAR) மின் கடத்தியின் பதிவு 

மற்ற ஆறுவரிசைகளிலும் தலா ஒவ்வொன்றாக V1,V2,V3,V4,V5,V6 என்ற மார்பு மின்கடத்திகளின் (CHEST ELECTRODES) பதிவுகள் 
                                      தொடர்கிறது ...(in ஈ )

சுய மருத்துவ பரிசோதனை-இ.சி.ஜி சுய பரிசோதனைகள் -ஆ

இசிஜி கோளாறுகள் 

நம்முடைய இசிஜியில் 4 வரிசைகள் இருக்கும்.இவற்றில் கீழ் வரிசையில் 

II -வரிசை என்று இருக்கும் 

இந்த வரிசை பதிவுகள், இசிஜி எடுக்கும் போது நம் மார்பில் இதயப்பகுதியில் நெஞ்சு எலும்புக்கு இடது புறமாக இதயத்தின் வலது கீழறைக்கு மிக நெருக்கமாக ஒட்டப்பட்ட II -மின்கடத்தியின் பதிவுகள்  ஆகும்.இந்த வரிசை இசிஜியின் மிக துல்லியமான பகுதியாகும்..இசிஜி எடுக்கும்போது மொத்தம் 10 மின் கடத்திகள் நம் உடம்புடன் பொருத்துவார்கள் அவற்றையெல்லாம் மிக விளக்கமாக பின் வரும்பதிவுகளில் நாம் பார்க்க இருக்கிறோம்.

இப்போதைக்கு மின் கடத்தி II -இன் பதிவுகள் பற்றி மட்டும் பார்க்கலாம் 

இது மட்டும் தனியாக கீழ் வரிசையில் இருக்கும்.இதற்கு சைனஸ் ரிதம் வரிசை என்றும் சொல்வர் .

பெரும்பாலும் இந்த ஒரு மின்கடத்தியின் பதிவை வைத்தே நாம் இசிஜியின் 75% தகவல்களை தெரிந்து கொள்ளலாம்.

படம்-1

மேலேயுள்ள படம் -1 -ல் சாதாரண சைனஸ் ரிதம் மற்றும் கோளாறுள்ள துடிப்புகள் பதியப்பட்டு உள்ளது 

1.நார்மல் சைனஸ் ரிதம் :-

இதில் இதயத்துடிப்பு நார்மல் ஆக இருக்கிறது 
இதில் P-அலை நார்மல்.(
R-R-இடைவெளி சமம் ஆக இருக்கிறது 
R-அலையின் உயரம் நார்மல் (< ஓர் = டு 20மிமீ or 4 LS )
QRS-கூட்டமைப்பு நார்மல் (0.08 to 1sec or 2 to 2.5 sec)
QRS-ன் உயரம் நார்மலாக 20மிமீ அல்லது 4LS வரை இருக்கலாம். இதை 2mV என்றும் சொல்லலாம்.
Q-T இடைவெளி 2LS அல்லது 4வினாடிகளுக்குள் இருக்கவேண்டும் 
S-T இடைவெளி X-கோட்டில் பொருந்தி இருக்கவேண்டும்.நீளம் 2ss குள் இருக்கவேண்டும் 
2.சைனஸ் குறை துடிப்பு :-(படம் -1)
இதை மருத்துவர் மொழியில் Sinus Bradycardia என்பர் .(பார்க்க படம்-1)
இந்த நிலையில் இதயத்துடிப்பு நிமிடத்திற்கு 50க்கு குறைவாகவே இருக்கும் 
R-R இடைவெளி நீண்டு இருக்கும் 

ஆனால் மற்ற அளவீடுகள் நார்மலாக இருந்தால் இந்த நிலை தற்காலிகமானதே அஞ்சவேண்டியதில்லை.தூங்கி எழும்பிய நிலை மற்றும் எந்த வேலையோ விளையாட்டிலோ ஈடுபடாமல் சோம்பி உட்கார்ந்து இருப்பது போன்றவற்றால் இந்த நிலை ஏற்பட்டு இருக்கலாம்.

3.சைனஸ் மிகைத்துடிப்பு (படம் -1):-இதை மருத்துவர் மொழியில் SINUS TACHYCARDIA என்பர் 

இதில் இதயத்துடிப்பு  130 bpm க்கு மேலே இருக்கும் .

இதில் R-R இடைவெளி மிகவும் குறுகி இருக்கும் 

மற்ற அளவீடுகள் நார்மலாக இருக்கும் நிலையில் அஞ்ச வேண்டியதில்லை.அதிக வேலை,தூக்கமின்மை,ஸ்போர்ட்ஸ் போன்றவற்றால் இந்த நிலை ஏற்பட்டிருக்கலாம் 

நோய் நிலைகளில் இசிஜி :-

படம்-2

1.மேலறைகள் குறுநடுக்கம் (படம்-2)

இதை மருத்துவமொழியில் ATRIAL FIBRILLATION என்பர்.

இந்த நிலை மிகவும் ஆபத்தானது 

படம்-2 ஐ கவனிக்கவும் அதில் மேலே முதலில் பதியப்பட்ட இசிஜி இந்த நோய் பாதிப்பை காட்டுகிறது.

P -அலை இல்லை 

QRS-கூட்டமைப்பு ஒழுங்கற்று இருக்கிறது.

நோய் அறிகுறிகள் :-

1.படபடப்பு ,எரிச்சல் ,அசெளகரியம் ,நெஞ்சு இடிப்பு 

2.களைப்பு ,பலவீனம் 

3.தலைவலி 

4.நெஞ்சு வலி,நெஞ்சு இறுக்கம் 

2.மேலறைகள் படபடப்பு (படம்-2):-

இதற்கு மருத்துவ மொழியில் ATRIAL FLUTTER என்பர் .

இந்த நோயாளியின் இசிஜியில் பல P-அலைகள் இருக்கும் (பார்க்க படம்-2)

இதனுடைய அறிகுறிகளும் முன் சொன்ன A-FIB ஐ போன்றே இருக்கும் ஆனால் கடுமை இருக்காது 
3.A -V-அடைப்பு (படம்-2):-இந்த நிலையில் மின் அலைகள்  மேலறைகளில் இருந்து கீழ் அறைகளுக்கு பரவ முடியாமல் இடையில் A-V முடிச்சில் அடைபட்டுவிடும்.
(இதயத்தின் முடிச்சுகள் மற்றும் அவற்றின் வேலைகள் பற்றி நாம் விபரமாக பின்னால் பார்க்கலாம்) 

I,II,மற்றும் III-நிலை என்று மூன்று நிலைகளில் இது ஏற்படும்
இதன் இசிஜி நிலையை படத்தில் கனவும் 
இதில் முக்கியம் கவனிக்கவேண்டியது P - R -இடைவெளி மிகவும் நீளமாகி இருக்கும்.காரணம் மேல் அறைகளில் இருந்து கீழறைகள் கொஞ்சம் கொஞ்சமாக தொடர்பு இழந்து கொண்டு வருவதை காட்டுகிறது 
முறிய நிலையில் இதயத்துடிப்பு நின்றுவிடலாம்.
அறிகுறிகள் :-
1.இதயத்துடிப்பு பலகீனம் அடைதல் 
2.தலை சுற்றல் 
3.மயக்கம் 
4.நெஞ்சு வலி 

படம்-3

4.கீழறைகள் மிகைத்துடிப்பு (படம் -3):-
இதற்கு மருத்துவ மொழியில் VENTRICULAR TACHYCARDIA என்பர்.
கீழறைகளின் துடிப்பு வேகம் நிமிடத்திற்கு 130 க்கு மேல் இருக்கும் அந்த வேகத்தில் மேலறைகளின் துடிப்பு இசிஜியில் பதியாமல் போகும் 
படம் -3 இல் முதல் இசிஜியை கவனியுங்கள்.அதில் P-அலைகள் இல்லை.QRS-கூட்டமைப்பு zig-zag வடிவத்தில் தாறுமாறாக இருக்கிறது.
T -அலையும் இல்லை.எனவே இதுவும் ஒரு ஆபத்தான நிலைதான்.இதில் இரத்தம் நிறைவாக இதயத்தில் நிரம்பாவோ தங்கவோ செய்யாது.
அறிகுறிகள் :-
1.கழுத்து பிடிப்பு,இறுக்கம் 
2.படபடப்பு 
3.குமட்டல் ,வாந்தி 
4.தலைவலி 
5.தலை சுற்றல் 
5.கீழறைகள் குறுந்துடிப்பு :-(படம் -3)
இதற்கு மருத்துவ மொழியில் VENTRICULAR FIBRILLATION என்பர்.இதுவும் மிகைத்தடிப்பு வகைதான் என்றாலும் இதில் மேலறைகள் ஒழுங்கற்ற முறையில் வேகமாக துடிக்கும் (படம்-3 இல் மூன்றாவது இசிஜியை கவனிக்க)
இது மிக மிக ஆபத்தான நிலை 
அறிகுறிகள் மேலே உள்ள மாதிரியே.
6.மாரடைப்பு :-(படம்-3)
இதை மருத்துவ மொழியில் MYOCARDIAL INFARCTION என்பர் (படம்-3)
குறுகிய கால மாரடைப்பில் இசிஜியின் நிலை எப்படி இருக்கும் என்பதை கீழே பாப்போம்.பார்க்க படம்-3-ன் இறுதி இசிஜியை.
உயர்ந்த T-அலைகள்;
பிறகு தாழும் T -அலைகள் 
உயர்ந்த S -T-இடைவெளி ;
தாழ்நிலை Q -அலைகள் 
அறிகுறிகள் :-
1.பிழியும் கடுமையான மார் வலி 
2.வியர்வை 
3.வாந்தி 
4.ஷாக்,இரத்த அழுத்தம் குறைதல் 
5.உடல் வெளிறுதல் 
6.பீதி ,நாடித்துடிப்பு குறைதல் 
7.ஒழுங்கற்ற இதயத்துடிப்பு 

                                         தொடர்கிறது  in இ 

சுய மருத்துவ பரிசோதனை-இ.சி.ஜி சுய பரிசோதனைகள் -அ

இ ஸி ஜி -சில அடிப்படைகள் 

முதலில் இ சி ஜி என்றால் என்ன வென்று பார்க்கலாம் .

E.C.G என்றால் Electro-Cardio-Gram ஆகும் 

இதை EKG என்றும் கூறுவார்கள் அதாவது ஜெர்மன் மொழியில் இதயத்திற்கு kardio என்பர் எனவே C க்கு பதில் K.

இசிஜி என்பது நம் இதயத்தின் தசைகளில் கடத்தப்படும் மின் அதிர்வுகளை ஒரு கிராப் தாளில் கோடு அலைகளாக பதிவு செய்தல் ஆகும் 

இந்த கோடு அலைகளின் ஏற்படும் மாற்றங்களை கொண்டு இதயத்தில் ஏற்படும் பல கோளாறுகளை அறிய முடியும் 

எல்லா இசிஜி கிராபிகளுமே அதற்கென்று வடிவமைக்கப்பட்ட இசிஜி கிராப் பேப்பர்களிலேயே பதியப்படுகின்றன.

படம் -1

மேலே உள்ள படம்-1-ல் காண்பதுதான் இசிஜி கிராப் பேப்பரின் அமைப்பு ஆகும் 
இந்த இசிஜி பேப்பரை உற்று கவனியுங்கள்.அதில் பெரிதும் சிறிதுமாக சதுரங்கள் அமைந்திருப்பதை பார்ப்பீர்கள்.
ஒரு சிறிய சதுரத்தின்  நீளமும் அகலமும் 1மி மீ ஆகும்.
இதே போல் ஐந்து சிறிய சதுர நீளமும் அகலமும் கொண்டது ஒரு பெரிய சதுரம்.எனவே ஒரு பெரிய சதுரத்தின் நீளமும் உயரமும் 5மிமீ ஆகும்.(பார்க்க படம்-1)

இதில் X -கோடு (X-Axis) கீழேயுள்ள படுக்கை கோடு ஆகும் அதற்கு நேர் செங்குத்தாக நிற்பது Y-கோடு (Y-Axis)ஆகும்.

X-கோடு வினாடிகளில் காலத்தையும் 

Y-கோடு மில்லி வோல்ட்டுகளில் மின் அதிர்வுகளையும் பதிவு செய்யும்.
சாதாரணமாக இ சி ஜி மிஷின் ஒரு நொடியில் 25 மி மீ வீதம் பேப்பரை நகர்த்துமாறு செட் செய்யப்பட்டு இருக்கும்.
இந்த விகிதத்தில் கீழ்கண்ட அடிப்படை சமன்பாடுகளை நாம் கணிக்கலாம்:-
                       25 மி மீ     = 1வினாடி 
எனவே 5மி மீ =5/25=0.20விநாடி 
                  1மி மீ =1/25=0.04விநாடி   
எனவே 1பெரிய சதுரம் =0.20விநாடி 
              1 சிறிய சதுரம்  = 0.04வினாடிகளில் பிரிண்டரில் நகரும் . 
இதேபோல் உயரத்தில்    10மிமீ=1mV.அதாவது 10 சிறிய சதுரங்கள்(ss) அல்லது இரண்டு பெரிய சதுரங்கள் (LS) உயரத்தில் 1mV.மின் அதிர்வுகளை கணக்கிடலாம்  
ஆக கிராப் பேப்பரில் மேற்கண்டவாறு பெரிய மற்றும் சிறிய சதுரங்கள் அமைத்திருக்கும்.இவற்றை கொண்டுதான் மின் ஓட்டம் வரையும் அலை கோடுகளை அளவீடு செய்கிறார்கள் 
சாதாரணமாக இசிஜியில் base கோடு ஆக இருப்பது X-கோடு தான்.இதற்கு ஐசோ எலக்ட்ரிக் கோடு என்பர்.இதில் பெரும்பாலும் மின் அதிர்வுகள் பூஜ்யமாகத்தான் இருக்கும்.ஆனால் சில நோய்களின் போது இதில் அதிர்வுகளும் இருக்கும்.இது பற்றி  பிறகு பார்க்கலாம்.இதை அடிப்படையாக கொண்டே இதயத்தின் மின் அதிர்வுகளும் துடிப்புகளும் மேலும் கீழுமாக அலை கோடுகளாக பதிவாகும்.கீழேயுள்ள படம் -2 இல் ஒரு நார்மல் இசிஜி காட்டப்பட்டுள்ளது 

இதற்கு நார்மல் சைனஸ் ரிதம் என்பர் 
நார்மல் சைனஸ் ரிதம் இதயம் ஆரோக்கியமாக இருக்கிறது என்பதை காட்டுகிறது 
இந்த சைனஸ் ரிதம் பல பகுதிகளை கொண்டது 
படம்-2 -இல் கண்டபடி ஒரு நார்மல் சைனஸ் ரிதத்தில் P,Q,R,S,T என்று மிக முக்கிய மான ஐந்து பகுதிகள் ஒரு ஒழுங்கு அமைப்பில் இருக்கும் .இந்த ஒழுங்கு அமைப்பு சீர்குலைந்தால் இதயம் ஆரோக்கியமாக இல்லை என்று அர்த்தம் 
அமைப்புகள் கீழ் கண்ட வகையில்  இருக்க வேண்டும்:-(படம்-2):-
P-முதல் அலை இதயத்தின் மேல் அறைகள் (ATRIA )சுருங்கும் போது உண்டாவது.P-ஐ தொடர்ந்து ஒரு கோடு Q-வரை நீண்டுள்ளது.இதற்கு P-Q இடைவெளி என்பர்.பிறகு Q-அலை சிறிது கீழ் நோக்கி இறங்கி பிறகு R -அலையாக மேல் நோக்கி கிளம்பி மீண்டும் கீழ் நோக்கி தணிந்து S-அலையாக திரும்பும்.
S -அலை கொஞ்சம் தாழ்ந்து பிறகு மேலெழுந்து சம நிலையில் கோடாக நீண்டு மீண்டும் T-அலையாக சிறிது எழும்பி தணிந்து மீண்டும் நேர்கோடாக அடுத்த துடிப்பின் முதல் கட்டத்திற்கு அதாவது மறு P-அலைக்கு செல்லும்.
இவற்றின் விபரங்களை பாப்போம் 
1.P-அலை :- இது இதயத்தின் மேல் அறைகள் சுருங்குவதால் உண்டாவது -எனவே இந்த அலையின் அமைப்பில் ஒழுங்கற்ற நிலை உண்டானால்,அதற்கு இதயத்தின் மேலறைகளில் எதோ பிரச்சினை என்று கணிக்கலாம் 
2.QRS-கூட்டமைப்பு :-இந்த பகுதிதான் இசிஜி யின் மிக முக்கிய பகுதியாகும்.ஏறக்குறைய இதயத்தின் செயல்பாடுகளில் 80% இதை வைத்து நாம் அறிந்து கொள்ளலாம்.இது இதயத்தின் கீழ் அறைகள் சுருங்குவதால் உண்டாவது.இதயத்தின் கீழறைகள்தான் அமைப்பில் பெரியவை.உறுதியான கனமான தசைகளை கொண்டவை.இதயத்தின் கனபரிமாணத்தில் 80% கீழறைகள்தான்.எனவேதான் கீழறைகள் சுருங்கும்போது ஏற்படும் QRS கிராப்பில் மிக உயரமாகவும் தெளிவாகவும் இருக்கும்.(பார்க்க படம்-2).இந்த கூட்டமைப்பில்தான் மேலறைகள் விரிவதும் ஏற்படுகிறது.
T-அலை:-இதுதான் ஒரு இதயத்துடிப்பின் கடைசி பகுதி இது கீழறைகள் மீண்டும் விரிவதால் ஏற்படுவது.எனவே மேற்கூறிய Q,R,S,T பகுதிகளில் காணப்படும் ஒழுங்கீனம் இதயத்தின் கீழ் அறைகளில் ஏற்படும் வியாதிகளை அறிவிக்கும்.இதுதான் அடிப்படை.இனி விரிவாக பாப்போம்.
இதில் மேல் கூறியபடி 
1.P-Q அல்லது P-R இடைவெளி;
2.QRS-கூட்டமைப்பு -இடைவெளி -உயரம் 
3.Q-T-இடைவெளி ;
4.S-T-இடைவெளி 
5.T-P-இடைவெளி 
6.P-அலையின் அமைப்பு,அகலம் மற்றும் உயரம் 
6.T-அலையின் உயரம் ,அகலம் 
7.R-R அலைகளின் இடைவெளி 
8.சிலநேரங்களில் T-அலையை தொடர்ந்து உண்டாகும் U-அலையின் தோற்றம் இவை அனைத்தும் மிக மிக முக்கியமாகும் (பார்க்க படம்-2)
அளவீடுகள்:-
1.P-R இடைவெளி=0.12 to 0.20 seconds (3to5 சிறிய சதுரங்கள்)
2.QRS கூட்டமைப்பின் உயரம்:-இது நார்மலாக 25மி.மீ  யிலிருந்து 30மி மீ வரை இருக்கலாம் 
3.QRS-கூட்டமைப்பின் அகலம்:-0.12வினாடிகள் (secs) அல்லது 3 சிறிய சதுரங்கள்(ss) அல்லது 3மிமீ வரை இருக்கலாம் 
Q-T இடைவெளி:-11 சிறிய சதுரங்களுக்குள்  (11மிமீ )வரை இருக்கவேண்டும் 
P-அலையின் அகலமும் உயரமும்:
அகலம் :120ms or 3mm  (ms-milliseconds)
உயரம் :2.5mm 
மேலே கண்ட அளவீடுகளில் மிமீ சிறிய சதுரங்கள் ஆகியவற்றை நீங்கள் வினாடிகளாக கூட மாற்றிக்கொள்ளலாம்.ஆனால் அது முக்கியமில்லை.

இதய மற்றும் நாடிதுடிப்புகளை அறியும் முறைகள் :-

பொதுவாக இசிஜியில் R-அலைகள் மிக முக்கியமானவைஒவ்வொரு நாடிதுடிப்பின் 90% இதில்தான் அடங்கி இருக்கிறது எனவே 1 நிமி அல்லது 60 வினாடிகளில் எதனை R-அலைகள் இருக்கின்றன என கணக்கிட்டால் இதயம் நிமிடத்தில் எதனை முறை துடிக்கிறது என்று அறியலாம் 

இதற்கு 2 வழிமுறைகள் இருக்கின்றன.

இவற்றை செய்வதற்கு முன் முதலில் நம் இசிஜியின் R-R இடைவெளிகள் சமமாக இருக்கிறதா என்று பார்க்கவேண்டும் 

1.பெரிய சதுர (LS )அளவீடு முறை:
1வினாடி                        =25 மிமீ 
60 வினாடிகள்             =25*60=1500மிமீ 
1மிமீ                               = 1ss 
1500மிமீ                         = 1500 ss 
5ss                                    =1 LS 
1500 ss               =1500/5 = 300 LS 
எனவே இசிஜியில் எதாவது ஒரு அடுத்தடுத்துள்ள R-R இடைவெளியில் எத்தனை LS (பெரிய சதுரங்கள்)இருக்கின்றன என்பதை கொண்டு 300 ஐ வகுத்து விட்டால் வரும் ஈவுதான் உங்களது இதய மற்றும் நாடி துடிப்பு ஆகும்.உதாரணமாக இரண்டு அடு த்தடுத்துள்ள R-R இடைவெளியில் 4 LS கள் இருக்கிறதென்று வைத்துக்கொள்வோம் 
இதய அல்லது நாடித்துடிப்பு (HR or Pulse )       =300/4  =75 bpm ஆகும் 
(bpm means beats per minute) 
ஆறு வினாடி அளவீடு முறை :-
இந்த முறையில் ஒரு நன்மை உண்டு.
இசிஜியில் ஒழுங்கு இல்லையென்றாலும் இந்த முறையில் நாடித்துடிப்பை அறிய முடியும் 
இந்த முறையில் ஆறு வினாடிகளில் எத்தனை R-அலைகள் வருகிறதோ அதை 10-ஆல் பெருக்கி வரும் ஈவுதான் உங்கள் நாடி துடிப்பு 
1 வினாடி                             =25மிமீ 
6 வினாடிகள்         25*6    = 150மிமீ 
150 மிமீ =150 ss =150/5       = 30 LS 
30 பெரிய சதுரங்களுக்கிடையில் எத்தனை R வருகிறதோ அதனை 10 ஆல் பெருக்க வரும் ஈவுதான் உங்கள் நாடி துடிப்பு 
உகாரணமாக 30 LS இடையில் ஏழு R-அலைகள் இருக்கின்றன என்று வைப்போம் 
இதய அல்லது நாடி துடிப்பு =7*10=70bpm
Normal HR =60 to 100 bpm 
மேல்கண்ட அடிப்படைகளை மட்டும் தெரிந்து கொண்டு நீங்கள் இசிஜி யை ஆய்வு செய்தால் உங்கள் இசிஜி யின் இறுதியில் II -என்று ஒரு வரிசை இருக்கும்.இதற்கு சைனஸ் ரிதம் வரிசை என்று பெயர்
அந்த வரிசை இசிஜியை மட்டும் இப்பொது ஆராயவும் 
மற்றவற்றை பற்றி வரும் பதிவுகளில் பார்க்கலாம் 
                                                -தொடருகிறது .....(in ஆ )

உங்கள் ஆரோக்கியம் -வீட்டில் மருத்துவ பரிசோதனை ரத்தக்கொதிப்பு அளவீடு-1

மின்னணு ரத்த அழுத்த மானிகள் 

வீட்டிலேயே உங்கள் ஆரோக்கியத்தை பரிசோதிக்க முதலில் இரத்த அழுத்தம்  ஒரு பிரதான பரிசோதனை ஆகும்.ஒவ்வொரு நாளும் 24 மணி நேரத்தில் நொடிக்கொருமுறை நம் இரத்த அழுத்தம் ஏற்ற இறக்கங்களுடன் இருக்கும்.

சூழ்நிலை தாக்கம்,உணர்ச்சிகள்,மற்றும் நோய்கள் போன்றவையே இதற்கு முக்கிய காரணிகளாகும்.

இரத்த அழுத்தத்தை நாமே நம் வீட்டில் உட்கார்ந்து பரிசோதிப்பதற்கு வசதியாக பல உபகரணங்கள் இப்போது சந்தைக்கு வந்துள்ளன.அவற்றில் மின்னணு உபகாரணகள் சாதா உபகரணங்கள் என்று வகை வகையாக மார்க்கட்டில் குவிந்துள்ளன 

அவற்றில் மின்னணு இரத்த அழுத்த மானிகள்,விவரங்கள்,உபயோகிக்கும் முறைகள் பற்றி மட்டும்  இங்கு பாப்போம்.

முதலில் இரத்த அழுத்தம் என்றால் என்ன வென்று சுருக்கமாக நாம் பார்க்கலாம் 

நம் உடல் ஆரோக்கியமாக இயங்க இரத்த ஓட்டம் மிகவும் இன்றியமையாதது ஆகும்.

நம் இதயம் நம் இரத்தத்தை உள்வாங்கி பிறகு வெளியேற்றி நம் உடல் முழுவதும் இரத்தத்தை ஓடவிடும் ஒரு பம்பிங்க் நிலயமாகவே ஓய்வில்லாமல் இயங்குகிறது.

இதயம் பற்றி சுருக்கமாக பார்க்கலாம் 

மேலே உள்ள படத்தின் சில விளக்கங்கள் :-
1.R-Atrium =வலது மேல் அறை 
2.L -Atrium =இடது மேல் அறை 
3.R-Ventricle =வலது கீழ்  அறை 
4.L-Ventricle =இடது கீழ் அறை 
5.The Aorta  =மகா தமனி 
6.The Pulmonary Artery =நுரையீரல் தமனி 
7.Pulmonary Vein =நுரையீரல் சிரை 
8.The Bicuspid or Mitral Valve =ஈரிதழ் வால்வ் (இடது மேல் மற்றும் கீழ் அறைகள் )
9.தி Tricuspid Valve =மூவிதழ் வால்வ்  (வலது மேல் கீழ் அறைகளுக்கு இடையில் )

மேலே இரண்டு கீழே இரண்டு என்று மொத்தம் நான்கு அறைகளை கொண்டது நம் இதயம்.

மேல் அறைகளுக்கு ஏட்ரியம் என்று கீழ் அறைகளுக்கு வென்ட்ரிக்கிள்கள் என்றும் மருத்துவம் கூறும்.இதில் இதயம் (மேல் அறைகள் சுருங்கி கீழ் அறைகள்)விரியும் போது  lub என்ற ஒலியுடன் விரியும் இந்த நிலையில் இதயத்தின் கீழ் அறைகளான வென்ட்ரிகில்கள் விரிந்த நிலையில் மேல் அறைகள் சுருங்கும்.இந்த நிலையில் இடது வென்ட்ரிகிளில்  சுத்தீகரிக்கப்பட்ட இரத்தம் நுரையீரல் சிறையின் மூலமாக இடது ஏட்ரியம் வந்து அங்கிருந்து வந்து நிறைக்கும்.அதே நேரம் வலது வென்ட்ரிகிளில் வலது ஏட்ரியமிலிருந்து அசுத்த இரத்தம் வந்து நிறைக்கும்.இதற்கு PRELOAD என்பர்.இதுதான் கீழ் நிலை இரத்த அழுத்தம் (DIASTOLE )எனப்படும் 
இதன் பிறகு கீழ் அறைகள் இரண்டும் dup என்ற சப்தத்துடன் சுருங்கும் இந்தநிலையில் இடது வென்ட்ரிகிளில் இருந்து சுத்த இரத்தம் மஹாதமனியில் (THE AORTIC TRUNK) எதிர் அழுத்தத்துடன் வேகமாக பாயும்.வலது வென்ட்ரிகிளிலிருந்து அசுத்த இரத்தம் நுரையீரல் தமணிக்குள் வேகமாக பாயும் .இது AFTERLOAD என்ற நிலை.இந்த நிலையில் இரத்த குழாய்களில் ஏற்படும் அழுத்தம் மேல்நிலை இரத்த அழுத்தம் (SYSTOLE)ஆகும்.இந்த இரண்டு நிலைகளுக்கும் இடையே ஏற்படும் துடிப்புகள் தமனி குழாய்களில் மிக தெளிவாக தெரியும்.இதுவே நாடி துடிப்பு (PULSE) ஆகும். 
இவற்றை நாம் வீட்டிலிருந்தே அளவீடு செய்யும் கருவிகள்தான் இரத்த அழுத்த மானிகள் (SPYGMOMANOMETERS)இவற்றில் மின் அணு மானிகளை பற்றி மட்டும் இங்கே பார்க்கலாம் 
இவை oscillometric முறையில் நம் இரத்தத்தை அளவீடு செய்பவை 
OSCILLOMETRY என்பது நம் உடலில்  
மணிக்கட்டு,விரல்கள் அல்லது முழங்கை இவற்றில் ஏதாவது ஒரு பகுதியில் ஒரு சுற்று பட்டையை (CUFF) சுற்றி இறுக்கி இரத்த ஓட்டத்தை அந்த இடத்தில் தடுத்து பிறகு மீண்டும் ஓடவிட்டு அந்த இடத்தில் தமனியில் சுவர்களில் ஏற்படும் துடிப்பை (OSCILLATION)கொண்டு ஒரு டிஜிட்டல் திரையில் அளவீடு செய்வது ஆகும்.
இதில் நாடிதுடிப்பையும் அறியலாம்.

ரத்த அழுத்த அளவீடு செய்முறை:-

1.முதலில் காற்றோட்டமான ஒரு அறையை தேர்ந்தெடுக்கவும்.

2.காலையில் தூங்கி விழித்தவுடன் எடுக்கப்படும் காலை ரத்த அழுத்தம் (MORNING PRESSURE)மிகவும் முக்கியமானது 

3.முதலில் ஒரு நாற்காலியில் தளர்ந்து (RELAXED)வசதியாக சாய்ந்து உட்காரவும் 

4.எதிரே உள்ள மேஜையின் உயரம் உங்கள் நெஞ்சுக்கு சிறிது கீழே உங்கள் கைகளை மேஜையின் மீது ஊன்றும் பொது அதன் முழங்கை நரம்பு உங்கள் இதயத்திற்கு நேராக இருக்கும்படி வைத்துக்கொள்ளுங்கள் 

5.அழுத்த மானியை மேஜையில் வைத்து கொள்ளுங்கள்.

6.இடது கை பழக்கமுள்ளவர் வலது கையிலும் மற்றவர் இடது கையிலும் பரிசோதனை நடத்த வேண்டும்.

7.அழுத்த மானியை அதன் பேக்கிங்கிலிருந்து வெளியே எடுக்கவும்.பிரஷர் அளவிடும் சுற்று பட்டையின் முனையை அதன் plug இல் செருகவும்
8.ஸ்டெதஸ்க்கோப்பின் குப்பியை முழங்கையின் பக்கவாட்டில் அதாவது உங்கள் இதயம் இருக்கும் பக்கத்தில் அதன் ஒரே நேர் கோட்டில்  வைத்து பட்டையை முழங்கையில் ஓரளவு இறுக்கமாக இருக்கும் படி சுற்றி ஒட்டவும்.
நம் ஒரு ஆட்காட்டி விரலை உள்ள செருகும்படி இறுக்கம் இருந்தால் போதுமானது.
9.வசதியாக தளர்வாக ஒரு ஐந்து நிமிடம் ஓய்வாக இருக்கவும் 
10.உங்களது கருவி  தானியங்கி கருவியாகவோ அல்லது பகுதி தானியங்கி கருவியாகவோ இருக்கலாம்.
11.இந்த பரிசோதனை செய்வதற்குமுன் ஒருமுறை ஆஸ்பத்திரியில் ஒரு டாக்டரின் மூலம் மெர்குரி அழுத்த மானியின் மூலம் ஒரு முறை உங்கள் மேலழுத்தம் (SYSTOLE) மற்றும் கீழழுத்தம் (DIASTOLE) ஆகியவற்றை BASIC ஆக தெரிந்து வைத்துக்கொள்ளுங்கள்.அதுதான் உங்களது அடிப்படை அளவுகள்.அவற்றை வைத்துக்கொண்டுதான் நீங்கள் ஒவ்வொரு நாளும் சுயமாக பரிசோதனைகள் செய்யவேண்டும்.
12.பிறகு உங்கள் கைகளை மேஜையில் ஊன்றி ஸ்டெதஸ்கோப்பின் குப்பி உங்கள் இதயத்தின் அருகில் அதன் சம உயரத்தில் இருக்கும் நிலையில் INFLATE பட்டனை அழுத்துங்கள்.உங்கள் Basic Systole அளவுக்கு கொஞ்சம் மேலே வரும்படி செட்டிங் செய்யவும்.அந்த அளவு வந்தவுடன் ஆட்டோமாட்டிக் காக DEFLATE ஆகும் அசையாமல் உட்கார்ந்து இருக்கவும் பிறகு மானியில் கீழ்கண்டவாறு அளவுகள் வரும் 
SYSTOLE -மேல் நிலை அழுத்தம் 
DIASTOLE -கீழ் நிலை அழுத்தம் 
PULSE       -நாடித்துடிப்பு 
திருப்பி திருப்பி குறைந்த பட்சம் 10 நிமிடம் இடைவெளிகளில் 3 to 5 தடவை பரிசோதிக்கவும் 
முடிவுகளை மூன்று விதமாக தெரிந்து கொள்ளுங்கள் 

உதாரணம் 

120/80;130/85;130/85;140/90;130/85

மேல்கண்ட ஐந்து பரிசோதனை முடிவுகளை கீழ்கண்டவாறு தெளிவாக்கலாம் 

Mode :-அதிக எண்ணிக்கையில் கிடைத்த முடிவு -130/85

Median :-மத்தியில் கிடைத்த முடிவுகளின் சராசரி -130/85

Mean :- மொத்த சராசரி -130/85
சாதாரணமாக ஒரு மனிதனுக்கு இருக்க வேண்டிய அளவுகள் :-
1.மேல் நிலை அழுத்தம் (SYSTOLIC):-120 mm of Hg.
2.கீழ்நிலை அழுத்தம்      (DIASTOLIC):-80 mm of Hg.
3.நாடித்துடிப்பு       67 டு 74

பரிசோதனை செய்ய ஆகுமான நேரங்கள் :-

1.காலையில் கண்விழித்து ஒரு மணி நேரம் கழித்து  வெறும் வயிற்றில் .

2.இரவில் படுக்கைக்கு போக ஒரு மணி நேரத்திற்கு முன்.

3.ஸ்போர்ட்ஸ் அல்லது நடை பயிற்சி எடுப்பதற்கு 1 மணி நேரத்திற்கு முன்பு.

4.பயிற்சி எடுத்த பின் ஒரு மணி நேரம் கழித்து.

பரிசோதனை செய்ய கூடாத நேரங்கள் 

1.குளித்த உடன் 
3.சாப்பிட்டவுடன் 

\